Pukapuka Matua

He Kōrero Mō Ngā Pukapuka Matua

He kaupapa matua nō te reo tō ia wāhanga, tō ia wāhanga. Anei ētahi o ngā mea kei roto:
  • He kōrerorero, he tuhinga hoki e pārekareka ana ki te pakeke e ako ana i te reo. Kāore e tino rahi ana te reo hou o ia wāhanga, o ia wāhanga kia taea aua āhuatanga hou e te ākonga te hopu. He kōrero nā ngā tohunga whakairo kupu ō ngā pukapuka, ā, kia matatau haere te akonga ka maha ake aua momo kōrero hei tauira māna.
  • He whakamārama, he tauira hoki mō ngā momo whakatakotoranga kōrero hou o ngā kōrerorero me ngā tuhinga o ia wāhanga.
  • He kupu atu anō.
  • He mahi whakarongo, kōrero hoki ō ngā kōpae me ngā rokiroki. He mahi whakahua ō Te Kākano.
  • He mahi tuhituhi, pānui, kōrero hoki.

Ko te katoa o ngā kupu hou o te pukapuka, o ngā kōpae me ngā rokiroki kei te mutunga o ia pukapuka matua. Kei reira hoki ngā whārangi o ngā momo whakatakotoranga kōrero hou katoa e tohungia ana. E tohungia ana anō hoki nō tēhea momo ia kupu.

  • Māori Dictionary online Papakupu Māori ā-ipurangi

    He papakupu kei te ipurangi, ā, he whānui ngā momo kupu, he kīwaha, he whakamahuki hoki i ngā whakatakotoranga kupu.

  • Animations Paki waituhi

    He paki waituhi kei te ipurangi hei kīnaki mō ngā pukapuka matua o Te Whanake, ngā pukapuka hei ako i te reo Māori.

  • Podcasts Rokiroki

    He mahi nō ngā pukapuka matua o Te Whanake ka taea te mahi mā te ipurangi ki te rorohiko, ki te pouaka whakaata, ki te taru paoho rānei.

  • Te Whanake TV Te Whanake - pouaka whakaata

    He hōtaka pouaka whakaata hei whakapakari i te pūkenga whakarongo.

  • Tōku Reo Tōku Reo

    He mahi hei ako i ngā kōrero o ia whakaaturanga o Tōku Reo, te hōtaka pouaka whakaata mā ngā ākonga kātahi anō ka tīmata ki te ako i te reo Māori.