Papakupu

Papakupu Māori

Kua whiriwhirihia ngā kupu Māori o ēnei rā mō tēnei papakupu, mō Te Aka Māori-English, English-Māori Dictionary and Index, mā ngā tāngata e ako ana i te reo Māori. Kāore e kitea ana ētahi kupu me ngā ingoa o tēnei papakupu i roto i ētahi atu papakupu, arā, kua tīkina whānuitia atu ngā kupu. Ahakoa he papakupu tū motuhake tēnei, ko ngā kupu katoa o Te Whanake kei roto.

$47.68

Atu i ngā kupu o ētahi atu papakupu o te reo Māori, kei roto i tēnei papakupu:

  • ngā kupu me ngā whakamārama mō ngā rākau, mō ngā ngārara, mō ngā ika, mō ngā manu, mō ngā kararehe, mō ngā whetū, mō ngā whetūao me ngā mea o te rangi, mō ngā momo waiata me ngā haka, mō ngā momo taonga pūoro, mō ngā rōpū, mō ngā whenua o te ao me ngā wāhi, mō ngā tāngata rongonui o te ao Māori anō hoki
  • he whakamārama mō ngā tikanga e hāngai pū ana ki te ao Māori
  • he whakamahuki me ētahi tauira rerenga kōrero mō ngā kupu wetereo
  • he whakamārama me ētahi tauira rerenga kōrero mō ngā kīwaha.

Kua kohikohia ēnei momo kupu hei āwhina i te akonga kia matatau ia ki te kōrero i te reo nei.

Ahakoa ka tū motuhake tēneipapakupu, kei konei ngā kupu katoa o ngā pukapuka me ngā rauemi o Te Whanake, ā, he kuputohu anō hoki kia tere ai te kite i ngā kaupapa, i ngā mapi, i ngā whakaahua, i ngā kīwaha, i ngā whakataukī me ngā pepeha, i ngā whakamārama mō ngā momo rerenga kōrero me te wetewete i te reo.

Ngā mea hou o tēnei putanga

Kei te wāhanga Māori-Pākehā 13,000 ngā kupu matua me ngā aronga motuhake 16,000 o tēnei putanga hou, arā, kua tata ki te 6,000 ngā aronga motuhake kua tāpirihia ki tēnei putanga tuatoru. Neke atu i te 18,000 kupu matua o ngā rārangi kupu o te wāhanga Pākehā-Māori, arā e 5,000 ngā mea hou.

  • Māori Dictionary online Papakupu Māori ā-ipurangi

    He papakupu kei te ipurangi, ā, he whānui ngā momo kupu, he kīwaha, he whakamahuki hoki i ngā whakatakotoranga kupu.

  • Animations Paki waituhi

    He paki waituhi kei te ipurangi hei kīnaki mō ngā pukapuka matua o Te Whanake, ngā pukapuka hei ako i te reo Māori.

  • Podcasts Rokiroki

    He mahi nō ngā pukapuka matua o Te Whanake ka taea te mahi mā te ipurangi ki te rorohiko, ki te pouaka whakaata, ki te taru paoho rānei.

  • Te Whanake TV Te Whanake - pouaka whakaata

    He hōtaka pouaka whakaata hei whakapakari i te pūkenga whakarongo.

  • Tōku Reo Tōku Reo

    He mahi hei ako i ngā kōrero o ia whakaaturanga o Tōku Reo, te hōtaka pouaka whakaata mā ngā ākonga kātahi anō ka tīmata ki te ako i te reo Māori.